Тыдзень роднай мовы
23.09.2022“Ніякае багацце людзей не бывае даражэйшым за родеую мову”. Гэтыя словы Я.Колас сведчаць аб тым, што мова з’яўляецца сапраўдным нацыянальным скарбам, душой народа. Мова – гэта спадчына нашых продкаў, якая звязвае пакаленні. І мы павінны любіць яе і шанаваць.
Напярэдадні правядзення Тыдня кадэты і настаўнікі прынялі ўдзел у напісанні рэспубліканскага дыктанта, прымеркаванага да Дня народнага адзінства. У межах Тыдня роднай мовы былі праведзены наступныя запланаваныя мерапрыемствы:
- арганізаваны ў бібліятэцы кніжныя выставы “Сэрцам роднага слова краніся”, “Да 110-годдзя Максіма Танка”;
- на працягу тыдня праведзены акцыі “Размаўляй са мной па-беларуску!”, “Слухаем і спяваем беларускія песні”, “Чытаем вершы беларускіх паэтаў”;
- на перапынках дэманстраваліся відэасюжэты пра знакамітых беларусаў: Я.Купалу, Я.Коласа, М.Танка, У.Мулявіна;
- кадэты прынялі ўдзел у віктарыне ”Спазнай Беларусь”, у конкурсе творчых пісьмовых работ “ За што я люблю родную мову”, “Мой родны кут! Як ты мне мілы!”;
- кадэты VIII класаў наведалі краязнаўчы музей ДУА “ Парэцкая сярэдняя школа”.
- конкурс чытачоў быў багатым на эмоцыі. Кадэты выразна і душэўна чыталі вершы сучасных аўтараў і паэтаў – класікаў беларускай літататуры.
- свае думкі і разважанні кадэты змаглі выказаць у сачыненні “Любіце і шануйце родную мову!”
